नायिका करिश्मा मानन्धरले दिदैछिन एसईई
Webpati
March 24, 2019

काठमाडौं, चैत १० ।

चर्चित नायिका करिश्मा मानन्धर आजबाट सुरू माध्यमिक शिक्षा  (एसईई)परीक्षामा सहभागी भएकी छन् । बुढेसालामा अध्ययन सुरु गरेकी उनले विजय स्मारक मावि डिल्लीबजार परीक्षा केन्द्रबाट एसईईमा सहभागि भएकी हुुन् । मानन्धर त्रिवेणी पब्लिक बोर्डिङ स्कुल मैतीदेवीकी विद्यार्थी हुन् । एसईईको तयारीकालागि उनी नियमित स्कुल गएकी थिइन् । सानै उमेरमा कलाकारितामा लागेकी मानन्धरले बिचैमा पढाई छाडेकी थिइन् । लामो समय अमेरिका बसेर फर्कीएकी उनी पूर्व प्रधानमन्त्री डाक्टर बाबुराम भट्टराईले नेतृत्व गरेको नयाँशक्ती पार्टीकी नेतृ पनि हुन् ।

१४ वर्षको उमेरमा ७ कक्षा पढ्दापढ्दै पढाइ छोडेर फिल्म क्षेत्रमा लागेकी उनी त्रिवेणी स्कुलमा कक्षा ८ मा भर्ना भएकी थिइन् । फिल्म क्षेत्रमा रहदा अध्ययनमा चासो नदिएकी उनले राजनीतिमा लागेपछि ४५ वर्षको उमेरमा अध्ययनलाई निरन्तरता दिएकी हुन् ।  गणित र अकाउण्ट बिषयको ट्यूसन पढेकी मानन्धरले एसईई पास गर्ने बताइन् ।आजबाट सुरु एसईई परीक्षामा देशभरबाट ४ लाख ७५ हजार परीक्षार्थी सहभागी  भएका छन् । तीमध्ये दुई लाख ३६ हजार ४ सय ४५ छात्र र २ लाख ३८ हजार ५ सय ५८ छात्रा छन् ।

फेसबूक एकाउन्टबाट कमेन्ट गर्नुहोस्